Spanjë, rikthehen kufizimet në zonën e infektuar

Katalonja ka rikthyer masat kufizuese për 200,000 persona në qytetin e Lleidas, për shkak të rritjes së numrit të të infektuarve me COVID-19.

Qeveria katalanase krijoi një spital në terren, pranë Spitalit Universitar “Arnau de Vilanova”, në Lleida, i cili ka pritur një numër të lartë pacientësh.

“Duhet të marrim masa të veçanta në Lleida, për të mbrojtur njerëzit më të rrezikuar. Të përforcojmë qendrat e shëndetësore dhe spitalet”, tha Alba Vergés, këshilltare shëndetësore.

Përhapja e coronavirusit  është vënë nën kontroll në pjesën më të madhe të Europës kontinentale, por vatrat e vogla të Covid-19 janë punëtorët sezonalë.

Pushteti vendor ka ngritur një strehë të improvizuar për punëtorët sezonalë në Lleida, në të cilën qëndrojnë 250 emigrantë. Autoritetet bëjnë kontrolle të vazhdueshme temperature dhe testohen nëse kanë simptoma.

Rreth 40 emigrantë që rezultuan pozitivë në ditët e fundit janë karantinuar në dy hotele të qytetit.

Bazilika “Sagrada Familia” në  Barcelonë u rihap të shtunën. Ndërtesa e famshme botërore, e cila u projektua nga arkitekti Antoni Gaudi, u mbyll pothuajse katër muaj më parë.

Por për dy fundjavat e ardhshme do të jetë e hapur për punëtorët e vijës së parë, përfshirë ata të kujdesit shëndetësor, policinë dhe OJF-të, të cilët do të jenë në gjendje ta eksplorojnë pa turmat e zakonshme të vizitorëve.