Demonstrata në Greqi kundër projektligjit që frenon protestat publike

Një demonstratë masive shpërtheu ditën e enjte në Athinë kundër një ligji të ri që frenon protestat publike, duke lënë gjashtë oficerë të plagosur. Një grup protestuesish filluan të hidhnin bomba molotovi drejt policisë, ndërsa ata i qëlluan me gaz lotsjellës.

Autoritetet thanë se kishin arrestuar nëntë persona dhe 15 të tjerë ishin marrë në pyetje.

Demonstratat, e mbajtura në Athinë dhe disa qytete të tjera në Greqi, kundërshtonin projektligjin e miratuar nga qeveria, ku kryeministri grek tha se do të ndaloheshin protestat e vogla, të cila pengonin trafikun dhe aktivitete të tjera.

“E drejta për të mbajtur protesta paqësore duhet të ruhet, por duhen të mbahen në një mënyrë që nuk pengon aktivitetet e një qyteti të tërë”, u shpreh ai.

Kundërshtuesit e këtij projektligji thanë se planet për të ndjekur penalisht protestues që marrin pjesë në demonstrata të paanshme dhe për të dënuar organizatorët e protestave nëse ato përshkallëzohen në dhunë, nuk janë të drejta.