Greqi, pas 5 ditësh vihen nën kontroll flakët pranë Korinthit

Zjarri që shkatërroi mijëra hektarë tokë të mbjellë dhe pyje në afërsi të Korinthit, në jug-lindje të Greqisë, është vënë nën kontroll pas 5 ditësh.

Në zonë vijojnë të qëndrojnë megjithatë 200 zjarrfikës për të mbikëqyrur situatën. Zjarri kishte rënë më 22 korrik në afërsi të fshatit bregdetar Kehrie dhe çoi në evakuimin e tre fshatrave të tjera dhe dy kampingjeve.

Mbi 3 mijë hektarë tokë u shkatërruan dhe 900 zjarrfikës u mobilizuan për të vënë nën kontroll flakët, që u përhapën në 50 pyje të zonës. Gjatë verës zjarret janë të shpeshta në Greqi për shkak të temperaturave të larta dhe erërave të forta.

Dy vjet më parë mbi 100 persona humbën jetën në lokalitetin detar të Matit, 30 kilometra larg Athinës, ku thuajse të gjitha shtëpitë u karbonizuan. Bëhet fjalë për bilancin më të rëndë të viktimave në vitet e fundit.