Stuhia vonon lëshimin e raketës së NASA-së për në Hënë

Lëshimi i raketës më të fuqishme ndonjëherë të NASA-s është vonuar për shkak të një stuhie tropikale që mund të shndërrohet në një uragan.

Raketa Artemis i Moon pritej të nisej nga Qendra Hapësinore Kennedy, në Florida, të martën.

Por shteti amerikan përballet me një kërcënim uragani pasi stuhia tropikale është forcuar dhe mund t’i afrohet Floridës në fillim të javës së ardhshme si një uragan i madh.

Nisja e raketës tashmë ishte shtyrë dy herë.

Automjeti Space Launch System (SLS) është projektuar për të dërguar astronautët dhe pajisjet e tyre përsëri në Hënë pas 50 vitesh.

Lëshimi i raketës dështoi në fund të gushtit për shkak të defekteve teknike, ndërsa një përpjekje e dytë në fillim të shtatorit u pengua nga një rrjedhje karburanti.

Agjencia hapësinore dëshiron të dërgojë raketën pa pilot Orion rreth pjesës së pasme të Hënës, përpara udhëtimeve me njerëz në bord.

NASA shpreson se deri në vitin 2025 do të jetë në gjendje të dërgojë astronautë përsëri në sipërfaqen hënore.

LEXONI GJITHASHTU: 

• 1 milion vite, NASA publikon foto të liqenit të Prespës dhe Ohrit
• NASA zbulon një ‘botë oqeanike’ ku 1 vit zgjat 11 ditë, por mund të jetë perfekte