Japonia nderon Shinzo Abe, mbahet mes protestash eventi i kontestuar shtetëror

Në një atmosferë të tensionuar, në Tokio nisi të martën funerali shtetëror në nder të ish-kryeministrit të vrarë Shinzo Abe, një event i kontestuar që ka përçarë thellësisht opinionin publik në Japoni.

E veja Akie Abe, e veshur me një kimono të zi, eci me ngadalë në budokan ose sallën e pritjes, duke mbajtur në duar një urnë me hirin e të shoqit, të vendosur në një kuti druri dhe të mbështjellë me një pëlhurë ngjyrë lejla me viza të arta.

Zëvendës-presidentja amerikane, Kamala Harris, ishte mes zyrtarëve të shumtë të huaj dhe 4 mijë e 300 pjesëmarrësve.

Abe u kremtua në korrik pas një funerali privat të mbajtur në një tempull të Tokios, pak ditë pasi u vra teksa merrte pjesë në një fushatë elektorale në Nara, një qytet në perëndim të Japonisë.

Disa orë përpara ceremonisë, disa qindra njerëz me buqeta qëndruan në radhë për të vendosur lule në nder të tij në parkun Kudanzaka.

Tokioja ishte nën masa të larta sigurie, pasi qytetarë të shumtë që kundërshtonin varrimin dolën në protestë.

LEXONI GJITHASHTU: 

• Tregtonte mallra kontrabandë, në pranga 37 vjeçari. Sekuestrohen steka me cigare
• Rreth 1 orë në SPAK, çfarë tha ish-ministri Genc Ruli për çështjen ‘Partizani’