Grusht shteti në Kinë? Meleqi: Presidenti ka urdhëruar ushtarët të jenë gati

Gazetarja Esenka Meleqi tha se presidenti kinez Xi Jinping, pak ditë më parë, ka lajmëruar se të gjithë ushtarët kinezë duhet të jenë në gatishmëri.

Kështu u shpreh Meleqi teksa u pyet në një intervistë për Euronews Albania, nëse do të ketë grusht shteti në Kinë.

Sipas saj, Kina dhe SHBA kanë përplasje për shkak të ishullit të Tajvanit.

“Ka raportime të ndryshme. Presidenti kinez pak ditë më parë kishte dhënë një lajmërim se të gjithë ushtarët kinezë duhet të jenë në gatishmëri. Kjo për shkak të përplasjes që SHBA ka me Kinën, jo vetëm për çështje të ndryshme të të drejtave të njeriut, të lirisë së shtypit, por edhe për shkak të ishullit të Tajvanit që përplasen të dyja fuqitë botërore. Është ndarë lajmi se janë parë dhe anije pranë ujërave të Kinës dhe Tajvanit, por mbetet për t’u parë. Presidenti kinez e ka të konsoliduar pushtetin”, nënvizoi gazetarja.

LEXONI GJITHASHTU: 

• SHBA në prag lufte me Rusinë dhe Kinën, thotë ish-sekretari amerikan
• Blinken: SHBA-të do të mbrojnë Filipinet nëse sulmohet në Detin e Kinës Jugore