Mbi 7400 aplikime për grurin, interes i lartë për subvencionin 30 mijë lekë/ha

7400 fermerë kanë aplikuar për të marrë lekë nga Ministria e Bujqësisë, duke deklaruar se do të mbjellin më shumë se 1 hektarë grurë. Nga data 1 deri në 23 shtator, i dha mundësinë çdo fermeri të bëhet pjesë e skemës për të përfituar 30 mijë lekë për 1 ha grurë që do të mbjellë.

Me aplikimet që janë bërë, interesi duket i lartë dhe fondi 500 mln lekë i vënë në dispozicion të tyre mund të mos mjaftojë.

AZHBR do të verifikojë dokumentet dhe sipërfaqet e tokave që do të mbillen me grurë për të miratuar në fund edhe kalimin e fondeve deri në fund të vitit.

Mbështetja me lekë për fermerët që kultivojnë grurë u nxit nga problemet që solli tregu rus dhe ukrainas. Ministria parashikon që kjo skemë të shtojë me 17 mijë hektarë sipërfaqen e grurit, për të prodhuar 120 tonë drithë që do të hidhet në treg.

Sipas AZHBR, nisur nga aplikimet, numri më i madh i përfituesve do të regjistrohet në Fier, Lushnjë dhe Korçë.

LEXONI GJITHASHTU:

• 30 mijë lekë për 1 hektar grurë, Rrapaj: Fermeri mund të mbulojë kostot e plehërimit
• Nisin aplikimet për subvencione, 30 mijë lekë për çdo hektar grurë të mbjellë