Presidentja e Parlamentit Evropian: BE-ja s’e njeh aneksimin e paligjshëm të Rusisë

Presidentja e Parlamentit Evropian Roberta Metsola, thotë se BE-ja nuk e njeh ‘aneksimin e paligjshëm’.

Në një postim në Twitter, Metsola, kritikoi fjalimin e Putinit për aneksimin e katër rajoneve të Ukrainës, duke thënë se nuk e njohin referendumin e rremë të Rusisë dhe aneksimin e paligjshëm të Kremlinit.

“Ne nuk i njohim referendumet e rreme të Rusisë. Ne nuk e njohim aneksimin e paligjshëm të Kremlinit. Ne jemi me Ukrainën”- shkruan ajo.

Presidenti rus, Vladimir Putin ka deklaruar se vendimi për aneksimin e 4 rajoneve të Ukrainës është marrë nga banorët e zonave, të cilët morën pjesë në referendum.

“Rezultatet dihen, dihen mirë. Jam i sigurt se Asambleja Federale do të mbështesë katër subjektet e reja të Federatës Ruse sepse ky është vullneti i miliona njerëzve”, u shpreh sot Putin, teksa u duartrokit nga anëtarë të qeverisë së tij.

Sipas zyrtarëve rusë, katër rajonet, të cilat përfaqësojnë rreth 15% të Ukrainës, votuan me shumicë për t’u bashkuar me Rusinë.

Të katër rajonet formojnë një rrip të rëndësishëm tokësor midis Rusisë dhe Gadishullit të Krimesë, të cilin Moska e aneksoi ilegalisht nga Ukraina në vitin 2014.

LEXONI GJITHASHTU: 

• Xhaçka: Shqipëria dënon referendumet e rreme të organizuara nga Rusia
• Putin firmos për aneksimin e 4 rajoneve ukrainase, reagon Zelenski
• Zyberaj: S’ka prova për krime lufte ndaj ish-luftëtarëve të UÇK-së