Kërkohej për vjedhje, 18-vjeçari shqiptar dorëzohet në polici

Një shqiptar i kërkuar për grabitje është dorëzuar te autoritetet italiane.

Mediat e huaja, bëjnë me dije se 18-vjeçari ishte kreu i një bande të përbërë me të mitur dhe të gjithë së bashku kryenin vjedhje.

Sipas asaj që raportohet i riu i armatosur me thikë dhe nganjëherë me shuplaka dhe grushte, i detyronte viktimat e tij të dorëzonin gjerdan ose florinjtë.

Djali kishte arritur t’i shpëtonte një arrestimi të parë, por sot 18-vjeçari shqiptar, i përlotur u tha policëve se ishte lodhur duke ikur dhe donte të dorëzohej.

Ai ishte në kërkim edhe si autor i tre grabitjeve të kryera në stacionin hekurudhor të Genovas, raportojnë mediat italiane.

Tani ai ndodhet në burgun e Triestes.

LEXONI GJITHASHTU: 

• Protesta në Londër/ Qindra persona manifestojnë kundër kostos së lartë të jetesës
• Mali i Zi, Gjuroviç kthen propozimin e 41 deputetëve për shkarkimin e Gjukanoviç