Policia zvicerane përdor plumba gome në protestën anti-Iran

Policia zvicerane ka përdorur plumba gome gjatë një proteste pranë Ambasadës së Iranit në Bern, teksa dy persona kaluan rrethojat e Ambasadës dhe hoqën flamurin iranian që po valëvitej pranë misionit diplomatik të Teheranit.

Autoritetet nuk raportojnë për të lënduar në këtë protestë, e cila ishte një prej dhjetëra protestave të ngjashme që u mbajtën në mbarë botën, në solidaritet me protestat që po mbahen në Iran pas vdekjes së një gruaje 22-vjeçare, e cila vdiq teksa po mbahej nga Policia, raporton Radio Evropa e Lirë.

Mahsa Amini vdiq më 16 shtator, pasi ishte arrestuar nga Policia e Moralit nën dyshimet se nuk kishte respektuar rregullat e veshjes së hixhabit.

Që nga vdekja e saj, në Iran janë organizuar protesta.

LEXONI GJITHASHTU:

• Solidaritet me vajzën e vrarë për hixhabin, 75 viktima nga protestat në Iran