Pse Princi Harry dhe Elton John po padisin tabloidin e njohur

Princi Harry i Britanisë së Madhe dhe këngëtari Elton John janë në mesin e disa figurave publike që kanë paditur botuesin e gazetës Daily Mail për përgjime të të telefonit dhe shkelje të tjera të privatësisë.

Të tjerët që marrin pjesë në veprimin ligjor janë bashkëshorti dhe regjisori i Elton John, David Furnish, Elizabeth Hurley, Sadie Frost dhe Doreen Laërence, nëna e adoleshentit me ngjyrë Stephen Lawrence, i cili u vra në një sulm racist në 1993.

Një deklaratë e lëshuar të enjten nga firma ligjore Hamlins, e cila përfaqëson Princin Harry dhe Frost tha se të gjashtë ishin “të vetëdijshëm për provat bindëse dhe shumë shqetësuese se ata kanë qenë viktima të aktivitetit të neveritshëm kriminal dhe shkeljeve të rënda të privatësisë.

Ai tha se shkeljet përfshinin “angazhimin e hetuesve privatë për të vendosur fshehurazi pajisje dëgjimi brenda makinave dhe shtëpive të njerëzve”, autorizimin e përgjimit të thirrjeve telefonike private, pagesën e zyrtarëve të policisë për “informacione të ndjeshme”, imitimin e individëve për të marrë të dhëna mjekësore dhe “akses në llogari bankare, histori krediti dhe transaksione financiare me mjete dhe manipulime të paligjshme”.

“Prandaj, ata janë bashkuar tani për të zbuluar të vërtetën dhe për t’i vënë para përgjegjësisë gazetarët përgjegjës, shumë prej të cilëve ende mbajnë poste të larta sot”, tha Hamlins në deklaratën e saj.

Baronesha Lawrence, Hurley, Sir Elton John dhe Furnish po përfaqësohen nga firma ligjore Gunnercooke.

LEXONI GJITHASHTU:

• Harry e Meghan planifikojnë të shpërngulen, shkak rritja e kriminalitetit në lagje
•  ‘Mos e sill Markle”, çfarë i tha mbreti Harry-it pas vdekjes së Elizabeth II