Në shtator u shtrenjtuan veshjet e qiratë, ushqimet njësoj si në gusht

Çmimet në muajin shtator kanë qenë në të njëjtat nivele me muajin gusht. Nivelin e tyre në tregje e ka matur Instituti i Statistikave, që raporton inflacionin 8.1%, ose 0.1% më shumë se në gusht.

Megjithatë, në shkallën aktuale, inflacioni është në nivelin e tij më të lartë jo vetëm gjatë këtij viti, por më shumë se një dekadë.

Në raport me muajin gusht, ushqimet duket se janë stabilizuar, dhe rritje të lehtë kanë pësuar qiratë, pijet alkoolike, veshjet e mobilet. Po ashtu, me çmim më të shtrenjtë janë shitur edhe artikujt shkollorë, nxitur nga kërkesa e shtuar për këto artikuj.

Nga ana tjetër, çmimet në transport, për shitblerje makinash apo shërbime te mekaniku, kanë pësuar ulje.

Institucionet parashikojnë rritje të mëtejshme për muajt në vazhdim, e cila pritet të ndalet në fund të vitit të ardhshëm.

Për qeverinë, rritja e çmimeve në tregjet tona ndikohet nga faktorë të jashtëm, ndërsa me nivelin mesatar vjetor 6.5%, vendi ynë ka inflacionin më të ulët në rajon.

Paketat e ndihmës, janë argumenti kryesor pse vendi ynë ka këtë shkallë inflacioni.

LEXONI GJITHASHTU:

• Ibrahimaj tregon detaje nga mbledhja e Këshillit të Sigurisë për sulmet kibernetike
• Buxheti 2023, Ibrahimaj: S’do ketë rritje të çmimit të energjisë për familjarët
• ’30 vjet pa vënë dorë’, banorët në Vlorë kërkojnë asfaltimin e rrugës