Rihapja e shkollave në Gjermani, nxënësit duhet të mbajnë maskë

Nxënësit në shtetin gjerman të Essen një ditë më parë nisën vitin e ri shkollor, një rifillim i cili i nënshtrohet masave strikte të ndërmarra në luftën kundër coronavirus.

Në shkollën Karl–Rehbein– në lindje të qendrës financiare Frankfurt  nxënësve të shkollës së mesme iu kërkua të mbajnë maskë në fytyrë gjatë kohës që qëndrojnë brenda godinës por edhe kur janë në oborr.

Drejtori i shkollës Juergen Scheuermann shprehet se çdo rast  me koronavirus do të raportohet tek autoritetet e shëndetësisë dhe nxënësi  do të dërgohet në shtëpi për t’u izoluar.

 “Ndihemi të përgatitur dhe mbi të gjitha, mezi presim të mirëpresim sërish nxënësit tanë.Ne u rimbyllëm në mes të marsit përpara se të rihapemi hap pas hapi. Ne fituam përvojën dhe sot është dita e madhe.Kjo është shumë e rëndësishme për ne dhe kemi menduar shumë për masat sigurisë.. Normaliteti merr përparësi për ne sepse nxënësit kanë nevojë për komunitetin. Ekziston media digjitale por ajo nuk siguron shkëmbim personale dhe kjo është baza për mësim të suksesshëm dhe aftësi sociale”, tha Juergen Scheuermann, drejtor i shkollës Karl–Rehbein.

Sipas të dhënave nga Instituti Robert Koch javën e kaluar, numri i rasteve të konfirmuara me koronavirusit në Gjermani u rrit në nivelin më të lartë që nga 1 maj, po ashtu është raportuar edhe për rritje në numrin e viktimave.  Edhe kancelarja Merkel në daljen e saj të fundit u shpreh se vendi është në mesin e pandemisë dhe virusi është I pranishëm edhe pse nuk mund të shihet duke u bërë thirrje qytetarëve që të respektojnë sa më shumë masat e kërkuara nga autoritetet.