COVID-19, rikthehen shifrat e larta në Francë

Numri i rasteve të reja në Francë ka qenë 4700 në 24 orët e fundit, ndërkohë që vendi kishte që në muajin maj që nuk shihte më shumë se 4000 në ditë. Veç kësaj, shifra e sotme është shumë më e lartë se një ditë më parë, kur u verifikuan 3776 raste.

Ngritja e beftë shpjegohet edhe nga shtimi i numrit të rasteve, por shqetësues është fakti që tani 3.3% e testeve që merren dalin pozitive, ndërsa deri më 13 gusht kjo shifër ishte 2.3%.

Pavarësisht masave të forta që u morën në mars, Franca u bë një nga vendet më të prekura në Europë, me më shumë se 30.400 të vdekur deri tani dhe 230 mijë infektime.

Qeveria i lehtësoi kufizimet në qershor, për shkak të përmirësimit të shifrave. Ndërkohë, maskat janë bërë të detyrueshme në të gjitha zonat publike ndërsa shtimi i rasteve kohët e fundit ka bërë që të ndalohen grumbullimet në turma nëpër qytete të mëdha, si Parisi, Marseja, Tuluza dhe Lila.