BSH rrit normën e interesit, Sejko: Inflacioni, kërcënimi kryesor për ekonominë

Banka e Shqipërisë vlerëson se rritja e çmimeve mbetet rreziku kryesor për ekonominë shqiptare dhe ndërhyu sërish duke rritur normën bazë të interesit.

Nga mbledhja mujore e bordit, norma e interesit u vendos në rritje me 0.5 pikë përqindjeje, duke shkuar nga 2.25, që është aktualisht në 2.75.

Po me 0.5 pikë përqindjeje është rritur edhe interesi i depozitave njëditore, duke shkuar në 1.75 për qind.

Bordi vendosi rritjen e normës së interesit me 0.5 pikë përqindjeje”, tha guvernatori Gent Sejko.

Sejko renditi tre faktorë që kanë nxitur inflacionin.

”Shoqëruar me rritje të shpejtë të pagave, çmimet e larta të lëndëve të para, naftës dhe energjisë, rritja e inflacionit ndikon në rritjen e kontratave të së ardhmes. Zgjerimi i konsumit dhe eksporteve të mallrave dhe shërbimeve, zgjerimi I shërbimeve, bujqësisë dhe rritja e pagave në sektorin privat, prej 11.9 për qind në tremujorin e dytë, kërkesë solide për punë dhe rënie të vazhdueshme të rënies së papunësisë”, theksoi ai/

Banka e Shqipërisë thotë se tregu financiar dhe kursi i këmbimit është i qëndrueshëm dhe me sasi të nevojshme parash për t’iu përgjigj nevojave të ekonomisë.

Inflacioni në Shqipëri mbetet mbi 8 për qind, nivelet më të larta që prej vitit 1998. Banka e Shqipërisë thotë se rritja e çmimeve do të vazhdojë deri në fund të këtij viti dhe inflacioni do të nisë zbutjen gjatë vitit të ardhshëm.

Parashikimi i Bankës është që inflacioni të kthehet në nivelin 3 për qind vetëm në tremujorin e dytë të vitit 2024.

LEXONI GJITHASHTU

• A u hakerua sistemi bankar? Flet ekspertja e ekonomisë
• Banka e Shqipërisë rrit normën bazë të interesit për kreditë

• Bankat refuzojnë kreditë, bizneset në vështirësi për para