Tërmeti në Indonezi, mes viktimave shumë nxënës, ishin në mësim kur u shemb shkolla

Shumë nga të vrarët dhe të plagosurit në një tërmet të madh në ishullin indonezian Java ishin fëmijë të cilët ndodheshin në shkollë në momentin që ra tërmeti.

Ekipet e kërkimit po përpiqen të gjejnë të mbijetuar pasi më shumë se 100 njerëz vdiqën dhe mijëra mbetën të pastrehë.

Tërmeti me magnitudë 5.6 goditi Indonezinë duke shkaktuar rrëshqitje dheu ku për pasojë kanë humbur jetën dhjetëra persona.

“Shumica e viktimave janë fëmijë sepse në orën 13:00, ata ishin ende në shkollë”, tha Henri Alfiandi.

Tërmeti, i cili goditi në një thellësi të cekët 10 km, u pasua nga dhjetëra pasgoditje të cilat shkaktuan më shumë dëme në zonën ku shtëpitë e ndërtuara keq u shembën shpejt.

Autoritetet thonë se të paktën 2,200 shtëpi janë rrafshuar dhe më shumë se 13,000 njerëz janë evakuuar.

LEXONI GJITHASHTU: 

• Arrestohet 19-vjeçari që lëviste me armë në Durrës, i dënuar më parë për plagosje
• Tërmeti me magnitudë 5.6 ballë godet Indinë