“Deri në 3 mln njerëz do lënë shtëpitë e tyre”, paralajmërimi i OBSH-së për Ukrainën

Për motin e ftohtë që ka përfshirë Ukrainën, vjen edhe një reagim nga Organizata Botërore e Shëndetësisë.

Për shkak të bombardimeve ruse, gjysma e infrastrukturës së Ukrainës është ose e dëmtuar ose e shkatërruar, kështu që ka energji të kufizuar për gatim, ngrohje dhe kjo do të thotë se funksionimi i spitaleve këtë dimër do të jetë rreth mbijetesës.

“Ne presim që 2-3 milionë njerëz të tjerë të largohen nga shtëpitë e tyre në kërkim të ngrohtësisë dhe sigurisë”, u shpreh Hans Kluge, Drejtori Rajonal i OBSH-së për Evropën, i cili shtoi se njerëzit do të përballen me një situatë sfiduese.

“Ata do të përballen me sfida unike shëndetësore, duke përfshirë infeksionet e frymëmarrjes si Covid-19, pneumoninë, gripin dhe rrezikun serioz të difterisë dhe fruthit në popullatën e nën-vaksinuar”, tha ai. 

Termocentrali bërthamor i Zaporizhzhia, i cili dikur prodhonte më shumë se 25% të energjisë elektrike të Ukrainës, nuk prodhon më energji.

LEXONI GJITHASHTU:

• ‘A nuk jemi edhe ne njerëz?’, zbardhet telefonata e ushtarit rus me të dashurën
• Anija kozmike Orion e NASA-s arrin në Hënë pas 50 vjetësh, pamje nga hapësira
• VIDEO/ Peshon 70 kg, peshkatari britanik kap peshkun e ‘artë’