Vaksina ruse, Moska pretendon se është më e saktë se e SHBA-së

Rusia po planifikon të publikojë rezultatet paraprake të vaksinimit për COVID-19 që do të përcjellin gjashtë javët e monitorimit të vullnetarëve. Kjo ka si qëllim jo vetëm të rrisë besueshmërinë ndaj efekteve pozitive të Sputnik V tek qytetarët rusë, por edhe t’I tregojë botës aftësinë e vendit në luftën ndaj pandemisë.

Rreth 5.000 vullnetarë I janë nënshtruar vaksinës ruse duke filluar që më 9 shtator dhe së shpejti besohet se do të shpallen rezultatet e fazës së tretë dhe përfundimtare, gjë që do ta bëjë Rusinë vendin e parë që do të shpalosë informacione mbi medikamentin që ka si qëllim të ndalojë avancimin e virusit.

Gjithashtu përfundimet do të vulosin nëse Sputnik V do të prodhohet edhe për masën e gjerë të popullsisë, ku cilësohet nga studiuesit se kjo do të jetë “një mundësi për njerëzit që të mbrojnë veten”.

“Mjete të tjera më të fuqishme do të përfshihen. Kur të ndodhë kjo, unë mendoj se për një vit ne do të jemi në gjendje të fillojmë vaksinimin masiv të popullsisë. Është e nevojshme që ne të mbulojmë rreth 75-80% të popullsisë në mënyrë që të ndalojmë qarkullimin e këtij virusi në nivel kombëtar,” tha Alexander Gintsburg, drejtues i institucionit Gamalejeva në Rusi.

Gjithashtu u theksua se nuk është raportuar asnjë efekt anësor serioz gjatë fazës finale të vaksinës anti-COVID. Sipas shkencëtarëve rusë finalizimi efektiv I kësaj procedure do të thotë se vaksina e prodhuar do të ketë një nivel prej 75% më të lartë se medikamenti I prodhuar nga Shtetet e Bashkuara të Amerikës.