Lideri i ekstremit të djathtë Matteo Salvini në gjyq për akuzën e ndalimit të emigrantëve

Kreu i ekstremit të djathtë të Italisë, Matteo Salvini paraqitet sot në gjykatë me akuzën e ndalimit të paligjshëm të emigrantëve në det, në një gjyq që potencialisht mund të jetë fillimi i fundit të karrierës së tij politike.

Prokurorët në qytetin Sicilian të Catania akuzojnë Salvini për abuzim me kompetencat e tij si ministër i Brendshëm për të bllokuar 116 emigrantë nga zbarkimi nga anija e rojes bregdetare italiane Gregoretti vitin e kaluar, nën moton e politikës së tij të ashtuquajtur “porte të mbyllura”

Nëse udhëheqësi i opozitës dhe kreu i partisë anti-emigrantë Liga dënohet për më shumë se dy vjet, ai gjithashtu mund të ndalohet të mbajë funksione publike për gjashtë vjet, duke e parandaluar atë të kandidojë për kryeministër në zgjedhjet e ardhshme në 2023.

Kreu i Legës njihet për qëndrimin e tij kundër emigrantëve, por ai është mbrojtur duke thënë se “bëri thjesht punën e tij, në interes të së mirës së përbashkët”.