Çmimi Nobel në mjekësi fitohet nga shkencëtarët që zbuluan virusin e Hepatitit C

Çmimi Nobel 2020 në mjekësi i është dhënë bashkarisht grupit të shkencëtarëve që zbuluan virusin e Hepatitit C.

Tre studiues, Harvey J Alter, Michael Houghton dhe Charles M Rice u shpallën të hënën si laureatët e këtij viti për përparimin mjekësor të cilësuar se shpëton miliona jetë.

Në një deklaratë, Asambleja e Nobel tha se izolimi i Hepatitit C kishte shënuar “një arritje historike në betejën e vazhdueshme kundër sëmundjeve virale” dhe ka sjellë krijimin e një regjimi specifik testimi dhe shërimesh, për ta eleminuar sëmundjen në mbarë botën.

Çmimi i këtij viti vjen në një kohë tejet të rëndësishm, veçanërisht për ata që punojnë në mjekësi duke marrë parasysh dhe vëmendjen shumë herë më të lartë prej pandemisë së coronavirusit.

Pavarësisht ndikimit të COVID-19 në botë, fituesi i vitit 2020 nuk pritej të lidhej me coronavirusin, por me studiues të zbulimeve që janë bërë vite më parë dhe prej të cilëve janë siguruar disa nga aplikimet bazë praktike të përdorura gjerësisht në ditët e sotme. 

Lexoni gjithashtu:

Ismail Kadare nderohet me Çmimin Ndërkombëtar ‘Neustadt’ për Letërsinë

Maratona e Shkupit, triumfon Luiza Gega, atletja shqiptare vendos rekord kombëtaTrump surprizon mbështetësit, presidenti largohet për pak minuta nga spitali