Vrasja e futbollistit në Angli, arrestohen 2 personat e dyshuar

Dy persona janë arrestuar si të dyshuar për vrasjen e futbollistit Cody Fisher në Britaninë e Madhe.

Policia njoftoi se një 22-vjeçar me adresë në qendër të qytetit të Birmingham u arrestua pas mesnate ndërkohë që një person i dytë i moshës 21 vjeçare u arrestua në Londër.

Policia e West Midlands ka thënë se të dysguarit janë shoqëruar dhe se ata do të merren në pyetje.

Fisher, 23 vjeç, u godit me thikë në pistën e vallëzimit të një klubi nate në zonën Digbeth të Birminghamit pak para orës 23:45 të datës 26 dhjetor.

Pavarësisht përpjekjeve për ta shpëtuar, ai u shpall i vdekur rreth gjysmë ore më vonë.

Policia tha se Fisher kishte qenë duke u argëtuar me miqtë në lokalin e natës në momentin që ai u qëllua me thikë.

Familja e Fisher tha në një deklaratë pas vdekjes së tij: “Kemi humbur mikun më të mirë. Ne kërkojmë privatësi dhe respekt në këtë kohë zemërthyese”.