Ish-presidenti peruan në paraburgim për 18 muaj deri në përfundimin e hetimeve 

Dhoma e Apelit të Gjykatës së Lartë të Perusë la në fuqi vendimin për të mbajtur në paraburgim ish-presidentin peruan Pedro Castillo për 18 muaj deri në përfundimin e hetimeve.

Ai akuzohet se ka tentuar të organizojë një grusht shteti.

Në fillim të këtij muaji, ligjvënësit e hoqën Castillon nga detyra dhe më pas e arrestuan atë për përpjekje për të shpërbërë ilegalisht Kongresin, raportoi Reuters.

Nga burgu, Castillo bëri thirrje për protesta kundër qeverisë së re, duke pretenduar se ai ka ende mandatin e popullit dhe e konsideron veten president legjitim.

Mbështetësit e Castillo-s ia vunë veshin thirrjes së tij dhe dolën në rrugë, duke kërkuar dorëheqjen e presidentes së re Dina Boluarte dhe shpërndarjen e Kongresit.

LEXONI GJITHASHTU:

• Protesta në Peru, gjendje jashtëzakonshme në të gjithë vendin 
• Presidenti i rrëzuar i Perusë Pedro Castillo mbetet në paraburgim