Të tjera dokumente sekrete në pronën e Biden, rritet presioni mbi presidentin

Rritet presioni ndaj presidentit amerikan Joe Biden pasi dokumente të tjera që përmbajnë material të klasifikuar janë gjetur në një tjetër ambient në pronësi të tij.

Më herët gjatë javës, avokatët e Biden deklaruan se një stok dokumentesh ishte zbuluar në ish-zyrën e tij në Uashington. Tani, Shtëpia e Bardhë thotë se ai nuk kishte dijeni për to.

Sinkron Karine Jean Pierre, zëdhënëse e Shtëpisë së Bardhë:

“Presidenti tha se i ka marrë informacionet mbi dokumentet e klasifikuara seriozisht. Ai mbeti i habitur nga fakti që ato u gjendën atje dhe tha se nuk ishte në dijeni të tyre. Kjo ishte ajo që tha dhe unë sapo përsërita fjalët e tij. Sapo avokatët e tij zbuluan këto dokumente, ata bënë gjënë e duhur duke ia dorëzuar ato Arkivës Kombëtare”.

Republikanët kanë kërkuar një hetim mbi mënyrën se si Biden menaxhonte dokumentet e klasifikuara. Zbulimi i tyre vjen në një kohë kur po zhvillohet një hetim ndaj ish-presidentit Donald Trump pas konfiskimit të dokumenteve sekrete në rezidencën e tij në Florida.

LEXONI GJITHASHTU:

• Presidentit Biden i gjenden dosje të tjera me dokumente të klasifikuara
• Dosje sekrete në ish-zyrën e Biden | Drejtësia nis hetimet, reagon Trump