Piktura e heroit të librave komikë del në ankand, kap vlerën marramendëse

Ky vizatim, i cili ka mahnitur miliona lexues të disa brezave në mbarë botën, është kopertina origjinale e “Tintin në Amerikë”, një nga episodet më të njohura të sagës së heroit belg të librave komik.

E vizatuar bardh e zi nga Hergé në vitin 1942, ajo do të dalë në ankand më 10 shkurt në Paris dhe mund të arrijë më shumë se 3 milionë euro.

Vizatimi zbulon disa sekrete:

“Dikush mund ta shikojë dhe të imagjinojë se indianët ndoshta fillimisht ishin vizatuar  më të mëdhenj, vetëm për t’u fshirë dhe zëvendësuar me tendat , e më pas u vendosën në plan të parë. Ose ndoshta ishte një test mbi perspektivat dhe madhësitë e njerëzve të ndryshëm “shprehet  Vinciane de Traux, Drejtore i shtëpisë së ankandeve Artcurial

Fansat  e Tintin shpresojnë vetëm që blerësi të mos e mbajë për vite në sirtar.

Në vitin 2021, ilustrimi origjinal i kopertinës së “Lotus blu”, i vizatuar në vitin 1936, u shit për 3.2 milionë euro.