Gazetari Bajrush Morina nga SHBA: Pandemia mund të vonojë daljen e rezultatit

“Këto zgjedhje janë pak më ndryshe nga zgjedhjet e kaluara për shkak të pandemisë dhe për shkak se një pjesë e madhe morën pjesë përmes votimit të hershëm,” tha për Euronews Albania gazetari Morina.

“Pavarësisht kërshërisë se kush do të jetë fituesi nuk pres që kjo të merret vesh sonte, siç shpallur tradicionalisht kur pjesa dërrmuese e qendrave të votimit numërohen dhe kur afërsisht presidenti humbës si zakonisht merr në telefon presidentin fitues dhe e uron atë,” shtoi z. Morina.

Sipas gazetarit, pavarësisht rezultatit ndryshimi që sjellin ata që fitojnë zgjedhjet lidhet me makropolitikat, si taksat, ekonomia, shëndetësia, por nuk ndryshon Amerika. Amerika do të jetë edhe me 4 nëntor superfuqi,” deklaroi nga Nju Jorku z. Bajrush Morina.

“Të gjithë presidentët, republikanë apo demokratë, kanë bërë diçka të mirë për Shqipërinë,” tha gazetari.