Biden ”qetëson” bursat, rritje rekord e aksioneve në tregjet evropiane dhe ato aziatike

Aksionet në tregjet evropiane u rritën të hënën në nivelin më të lartë në një muaj, pasi fitorja e Joe Biden ka ngjallur shpresa për marrëdhënie më të mira me Uashingtonin.

Kështu, bursa pan-evropiane Stoxx 600 fitoi 1.6 pikë përqindje, me aksionet e kompanive gjermane që u rritën me 2 për qind.

Gjithashtu, sektori evropian i automjeteve u rrit me 2.8%, kuota më e lartë që prej muajit shkurt.

Në Azi, aksionet e japonezes Nikkei arritën nivelin më të lartë në 29 vjet, ndërsa në SHBA, indeksi i S&P u luhat nën rekordet më të larta, me investitorët që shpresojnë se presidenca e Biden do të çojë në më pak reforma industriale dhe në më shumë stimuj monetarë.

“Bursa e Hong Kongut reagoi pozitivisht që javën e kaluar, kur investitorët po prisnin që Joe Biden të fitonte këto zgjedhje. Vlera e shumë aksioneve u shtyp nga argumentet politike të luftës tregtare SHBA-Kinë dhe nga presionet e vazhdueshme të Amerikës përgjatë vitit të fundit”, tha Jackson Wong, analist financiar.

Fitorja e Biden është komentuar gjerësisht në mediat e Hong Kongut, ndërkohë që nga Kina nuk ka ardhur ende një reagim.

Lexoni gjithashtu:

Biden apel amerikanëve: Ju përgjërohem, mbani maskë që të kthehemi në normalitet