Egjipt, zbulohet varri 2,500 vjeçar me mbi 100 mumie

Autoritetet vendase njoftuan të shtunën se kanë zbuluar të paktën 100 sarkofagë antikë dhe 40 statuja të praruara në një varr masiv në pjesën jugore të kryeqytetit egjiptian, Kajro.

Disa prej sarkofagëve të varrosur më shumë se 2,500 vjet më parë, kanë brenda mumie të mbështjella me pëlhurën e tyre karakteristike.  

 

 

 

 

 

View this post on Instagram

 

 

 

 

 

 

 

 

 

 

 

A post shared by Khaled El-Enany خالد العناني (@khaled.elenany)

Ministri i Turizmit dhe Antikitetit, Khaled el-Anany, tha se artefaktet do të dërgohen më pas në tre muze të ndryshëm në Kajro.

Zbulimi në nekropolin e famshëm është ndër zbulimet e fundit arkeologjike në Egjipt. Që nga shtatori, autoritetet kanë zbuluar të paktën 140 sarkofagë të mbyllur në të njëjtën zonë të Sakarës.

Siti në Sakara është pjesë e nekropolit të Memfisit, kryeqyteti i Egjiptit në kohët e antikitetit, ku ndodhet dhe Piramida e Gizës. Rrënojat e këtij qyteti janë pjesë e Trashëgimisë Botërore të UNESCO që nga 1970.

Egjipti ekspozon shpesh zbulimet më të fundit arkeologjike me shpresën për të ringjallur industrinë e turizmit e cila është dëmtuar nga trazirat politike që pas kryengritjes popullore të vitit 2011 që solli dhe rrëzimin e autokratit Hosni Mubarak.