Hungaria dhe Polonia bllokojnë paketën e BE për rimëkëmbjen nga COVID-19

Hungaria dhe Polonia kanë ushtruar fuqinë e tyre veto kundër paketës disa trilionë euroshe të BE për rimëkëmbjen nga COVID-19 pasi kundërshtojnë ligjin e ri i cili lidh fondet e BE me shkeljet mbi shtetin e së drejtës.

Të hënën, ambasadorët e BE u takuan në Bruksel për të diskutuar mbi këtë propozim, i cili ka ngjallur shqetësimin e Budapestit dhe Varshavës.

Të dyja këto shtete kanë pasur përplasje me Brukselin gjatë viteve të fundit për shkak se akuzohen se kanë kryer hapa pas në gjendjen e demokracisë në vend.

Bisedimet për buxhetit afatgjatë (2021-2027), ku bën pjesë Parlamenti Europian, Këshilli dhe Komisioni, vijnë pas një debati të gjatë mes shteteve anëtare dhe eurodeputetëve për sa i përket shpenzimeve dhe respektimin e sundimit të ligjit.

Pas shumë përpjekjesh, liderët europianë ranë dakord për shumën që do të shpenzojë BE në 7 vitet e ardhshme.

Paketa vjen me një shumë prej 1.8 trilionë eurosh, prej të cilave 750 miliardë janë akorduar për rimëkëmbjen nga coronavirus.

Eurodeputetët këmbëngulën që fondet të transferohen me kushtin e respektimit të vlerave demokratike, të drejtave të njeriut dhe pavarësinë e gjyqësorit.

Përmes këtij mekanizmi të ri, një shtet i BE mund të humbasë fuqinë veto dhe t’i ndërpriten fondet nëse kjo lëvizje mbështetet nga shumica e vendeve të tjera anëtare.

Por për shkak të veto-s nga Hungaria dhe Polonia mund të bllokohet gjithë procesi.

Lexoni gjithashtu

• Arrihet marrëveshja që lidh fondet e BE me shkeljet e shteteve mbi sundimin e ligjit
• Sundimi i ligjit, debatet me Hungarinë e Poloninë rrezikojnë buxhetin e rimëkëmbjes së BE-së
• BE publikon raportin rreth shtetit ligjor dhe mangësitë demokratike në vendet anëtare