Biden prezanton Pete Buttigieg si sekretar të Transportit, homoseksuali i parë në kabinetin e presidentit

Presidenti i zgjedhur Joe Biden reklamoi diversitetin e administratës së tij ditën e mërkurë, kur prezantoi ish-rivalin Pete Buttigieg, ish-kryetar i Bashkisë së South Bendit, si sekretari i parë homoseksual i kabinetit të tij.

Nëse aprovohet nga Senati, Buttigieg do të mbajë postin e sekretarit të Transporteve. Duke u shfaqur përkrah tij, Bajden tha se 38-vjeçari do të ketë për detyrë ringritjen e infrastrukturës së plakur të Amerikës.

Emërimi i Buttigieg shënon një rritje kapitale të figurës së tij në politikën amerikane. Një veteran i ushtrisë që ka shërbyer në Afganistan, Buttigieg është pararoja e gjeneratës së ardhshme të politikanëve demokratë dhe shihet si një pretendent për president në të ardhmen.