Putin para gazetarëve, në fjalimin vjetor shefi i Kremlinit flet për vaksinën dhe Navalny

Presidenti i Rusisë, Vladimir Putin është duke zhvilluar konferencën vjetore para gazetarëve ku sikundër çdo vit bën një përmbledhje të vitit që lëmë pas.

Duke nisur me procesin e vaksinës, shefi i Kremlinit u shpreh se ende nuk është vaksinuar me vaksinën ruse ‘Sputnik V’ duke i bërë thirrje qytetarëve që të vaksinohen.

Ai gjithashtu shtoi se Rusisë i duhej kohë për të rritur kapacitetin për prodhimin e vaksinave.

Duke u ndalur tek ekonomia, Presidenti rus tha se një rritje e fundit e nivelit të varfërisë së Rusisë në më shumë se 13% ishte shumë e lartë, por nënvizoi  se ky nivel duhet të bjerë në 6.5% deri në 2030.

Pritet që Putin të përgjigjet edhe për çështjen e liderit opozitar Navalny i cili pak muaj më parë u helmua me agjentin kimik noviçok e ku ndërkombëtarët kërkojnë sqarime nga Moska e cila ka mohuar çdo përfshirje.