80-vjeçari kandidon për një mandat të dytë, shqetësime për shëndetin e Biden

Dy nga emrat më të përfolur në garën për të qenë president të SHBA janë Joe Biden, presidenti aktual dhe ish-presidenti Donald Trump.

Por të dy janë duke u përballur me një sëre problemesh.

Nga njëra anë Trump vijon betejën e tij me drejtësinë për një sërë çështjesh të hapura. Nga ana tjetër, presidenti Biden është në qendër të vëmendjes për gafat e tij në publik, por edhe për gjendjen shëndetësore.

Së fundmi raportohet se presidenti Joe Biden, 80 vjeç, ka filluar të përdorë një aparat për të trajtuar problemet e tij shëndetësore. Në fytyrën e tij janë vënë re edhe shenjat e aparaturës e cila ndihmon të sëmurët të marrin frymë kur flenë.

Në moshën 80-vjeçare, Biden është presidenti më i vjetër i vendit – dhe Shtëpia e Bardhë pyetet për shëndetin e tij, veçanërisht pasi ai shpalli kandidaturën për një mandat të dytë.

E pikërisht mosha, sipas sondazheve, është një nga pikat që penalizon më shumë Joe Biden.