Orteku i merr jetën 10 alpinistëve në Iran, raportohet dhe për të humbur

Vargmali Alborz në Iran është një prej pikave më popullore të skiatorëve, por gjatë ditëve të fundit është mbërthyer nga moti i keq.

Kryqi i Kuq ka dërguar 20 ekipe kërkim-shpëtimi që deri më tani kanë mundur të shpëtojnë 14 alpinistë, ndërkohë që raportohet se janë të paktën edhe 7 të tjerë të humbur.

Operacioni i kërkimit u ndalua në mesnatë dhe pritet të fillojë sërish të dielën në mëngjes.

Në mesin e personave që humbën jetën qe një aktivist politik, një profesor, një mjek dhe një instruktor alpinizmi.

Moti i keq dhe një ortek i mundshëm qenë paralajmëruar edhe  më herët.

Në rrjete sociale, disa persona raportuan se kishin probleme me sistemet e GPS, pajisje e nevojshme e alpinistëve për t’u orientuar në male.