Mbretëria e Bashkuar aprovon vaksinën anti-COVID AstraZeneca

Qeveria e Mbretërisë së Bashkuar bëri me dije se vaksina e prodhuar nga AstraZeneca dhe Universiteti i Oksfordit është aprovuar për t’u vënë në përdorim.

Ajo hap rrugën që miliona njerëz të imunizohen kundër virusit.

NHS tashmë ka vaksinuar qindra mijëra pacientë me vaksinën Pfizer/BioNTech dhe qeveria tha se përdorimi i saj do të vazhdojë.

Mbretëria e Bashkuar ka porositur 100 milion doza nga AstraZeneca, të cilat mund të vaksinojnë 50 milion njerëz pasi për të fituar imunizimin e plotë duhen dy injeksione.

“Qeveria ka pranuar sot rekomandimin nga Agjencia Rregullatore e Barnave dhe Produkteve të Kujdesit Shëndetësor për të autorizuar vaksinën e Universitetit Oxford dhe AstraZeneca anti-COVID për përdorim,” – thuhej në një deklaratë të Univeristetit Westminister.

“Kjo pason provat rigoroze klinike dhe një analizë të plotë të të dhënave nga ekspertët, e cila ka arritur në përfundimin se vaksina ka përmbushur standartet e saj të rrepta të sigurisë, cilësisë dhe efektivitetit,” – shtuan ata.

Shpresat për këtë vaksinë janë të mëdha, pasi çmimi i ulët dhe lehtësitë në magazinimin e saj do t’i lejojnë qeverisë të vaksinojnë popullatën më shpejt.

Vaksina e Pfizer dhe BioNTech, e miratuar më herët gjatë muajit, duhet të mbahet në temperatura nën 70 gradë Celsius dhe mund të transportohet vetëm katër herë përmes një zinxhiri të ftohtë, përpara përdorimit.

Lexoni gjithashtu: 

Vaksina e AstraZeneca drejt miratimit, Mbretëria e Bashkuar pritet ta aprovojë sot

Shefi ekzekutiv i AstraZeneca pretendon se vaksina siguron 100% mbrojtje kundër Covid-19

Pfizer vonon dërgesat e vaksinave, probleme me ruajtjen e saj në temperaturën e duhur