Reshard Këlliçi komenton vendimet e para të presidentit Joe Biden në SHBA

Sekretari i Përgjithshëm i Dhomës Amerikane të Tregtisë, zoti Reshard Këlliçi komentoi në Euronews Albania vendimet e para të presidentit Joe Biden në SHBA.

Zoti Këlliçi theksoi se Biden ka si prioritet ato gjëra që presidenca e zotit Trump i quajti sekondare. Sipas tij, nën udhëheqjen e Biden, Amerika do të marrë përsëri rolin udhëheqës në botë.

“Zoti Biden këtë e tregoi me 15 urdhrat e tij.  Amerika do të marrë përsëri rolin udhëheqës në botë, do të vejë në prioritet ato gjëra që presidenca e zotit Trump i quajti sekondare. Ishte një orientim për izolim të Amerikës”, u shpreh ai.

Ai nënvizoi se qëllimi i Biden është bashkimi dhe unifikimi i Amerikës.

“Qëllimi dhe detyra e tij nuk është e lehtë, por është bashkimi i Amerikës në këto momente. Kemi parë disa gjëra që nuk ishin të këndshme për t’u parë, të shikosh 5 jetë të humbura në Amerikë gjatë një protestë në Capitol,  nuk është këndshme, por pamë diçka shumë të mirë, triumfin e demokracisë në Amerikë”, shtoi ai.

Por, zoti Këlliçi theksoi se presidenti i ri ka një detyrë shumë të vështirë përpara edhe në aspektin ekonomik.

“Zoti Biden ka përpara një detyrë të vështirë. Amerika ka 29 trilionë dollarë borxh ekonomik. Kjo është një shifër marramendëse. Rregullat demokrate janë që të të taksojnë, që të marrin”, tha ai.  

“Sidoqoftë në këtë moment është e rëndësishme bashkimi i Amerikës, mbarëvajtja e demokracisë, unifikimi i njerëzve dhe mbrojtja ndaj COVID-19”, përfundoi ai.

Lexoni gjithashtu:

Marrëdhëniet SHBA-Rusi, Kremlini: Do të varen nga Biden dhe ekipi i tij

Biden s’humbet kohë, sapo merr çelësat e Shtëpisë e Bardhë shfuqizon një sërë vendimesh të Trump

Joe Biden betohet si Presidenti i 46-të i SHBA: Kjo është dita e demokracisë