‘Sputnik V’, 92% efektive, vendet evropiane mirëpresin vaksinën ruse

Duket se në vendet e Bashkimit Evropian është shtuar besimi pas lajmeve se kompanitë farmaceutike do të shtojnë dozat e vaksinave.

Presidenti Macron premton se të gjithë të rriturit në Francë nëse do të kenë dëshirë do të vaksinohen deri në fund të verës.

Qeveria franceze është kritikuar gjerësisht për ritmet e ulëta të vaksinimit.

E megjithatë sërish autoritetet shëndetësore kanë kufizuar përdorimin e vaksinës së AstraZeeneca për ata që janë nën 65-vjeç.

Ndonëse Agjencia Evropiane e Barnave e aprovoi edhe Gjermania, Austria dhe Polonia kanë marrë të njëjtin vendim sikundër Parisi.

Nga ana tjetër është shtuar besimi tek vaksina ruse Sputnik V, e cila sipas testeve përfundimtare ka rezultuar 92% efektive kundër covid 19.

Kancelarja Merkel e mirëpriti këtë zhvillim.

“Bisedova për këtë çështje me Presidentin rus. Pamë të dhëna të mira edhe për vaksinën ruse. Çdo lloj vaksine është e mirëpritur në BE,  dhe vetëm ato që dëshmojnë të dhënat e duhura do të miratohen nga Agjencia Evropiane e Barnave”, u shpreh Merkel.

Në Britaninë e Madhe nga ana tjetër tek disa raste te infektuarish testet po shfaqin ndryshime shqetësuese të gjeneve.

Këta individë kanë një mutacion të quajtur E484K, çka është vënë re tashme edhe në variantin e Afrikës së Jugut.

Por, ekspertët shprehen besimplotë se vaksinat ende mund të funksionojë, megjithëse ky ndryshim mund të zvogëlojë efektivitetin e tyre.

E derisa e gjithë popullsia të vaksinohet duket se izolimi mbetet e vetmja armë kundër virusit.

Pavarësisht protestave edhe Holanda vendosi të mbajë të fuqi pjesën më ta madhe të kufizimeve të vendosura në tetor.

Marsi shpresohet të jetë koha kur mund të nis disi lehtësimi i kufizimeve.

Lexoni gjithashtu:

Vaksina kundër Covid-19, kompania Pfizer do të arkëtojë 15 mld $ në 2021

‘Sputnik V’, ekspertët thonë se vaksina ruse ka 91.6% efikasitet ndaj COVID-19