Frikë nga varietetet e reja, vaksina tradicionale humb terren

Në Moselle, në lindje të Francës, varianti afrikano-jugor i COVID-19 po përhapet me shpejtësi, me një kuotë prej 100 rastesh të reja në ditë. Autoritetet po përshpejtojnë shpërndarjen e vaksinës për t’i bërë ballë kërcënimit, që ka shqetësuar banorët.

“Sapo më vaksinuan, jam mirë, por kur dëgjoj historinë e variantit të ri nuk më besohet. Ndaj kisha pak dyshime”, shprehet Gerard Mehl, pensionist.

Në vende të tjera të Evropës, zhvillimet e fundit po shihen me nervozizëm. Vaksina “AstraZeneca” që është përdorur në Greqi ka humbur efikasitetin kundër variantit afrikano-jugor. Komisioni Evropian ka deklaruar se po përgatitet për çdo situatë.

“Do të donim të përshpejtonim autorizimin e procesit për avancimin e vaksinave, për t’u bërë ballë varianteve të reja. / Për këtë na duhet një kontakt i shpejtë me prodhuesit dhe komunitetin shkencor, për t’u siguruar që në rast se vaksina ka nevojë për ndryshime, ato të bëhen me shpejtësi”, ka deklaruar Maroš Šefčovič, zv.president i KE.

Ndërkohë, shërbimet shëndetësore evropiane po ushtrojnë presion për shpërndarjen e vaksinave aktuale, me shpresën se do të rezultojnë të mjaftueshme për ta vënë pandeminë nën kontroll.