Britani, rriten rezervimet për pushimet verore

23 Shkurt 2021 | 21:47

Pasi Britania bëri të ditur planin me katër faza për heqjen e kufizimeve dhe rihapjen e fluturimeve ndërkombëtare pas muajit maj, kompania ajrore EasyJet raportoi një rritje të jashtëzakonshme të pretimeve për pushimet verore

Spanja, Portugalia dhe Greqia janë disa nga destinacionet më të kërkuara nga britanikët dhe këtë e tregon edhe rritja e prenotimeve për muajt e verës

Pasi Britania bëri të ditur planin me katër faza për heqjen e kufizimeve dhe rihapjen e fluturimeve ndërkombëtare pas muajit maj, kompania ajrore Easy-Jet raportoi një rritje të jashtëzakonshme të prenotimeve

Rezervimet e fluturimeve u rritën me 300% ndërsa prenotimet për pushimet verore u rriten me 500% brënda një jave.

Këto rezervime u kryen pavarësisht pasigurisë mbi kohën ekzakte se kur do të rihapen fluturimet ndërkombëtare.

Por një prej kushteve që pushuesit britanikë të shijojnë pushimet në plazhet europiane, do të jetë edhe heqja e karantinimit të detyrueshëm nga shtetet që ata do të vizitojnë.

Aktualisht, Franca dhe Spanja, i kanë mbyllur kufijtë për shtetasit britanikë për shkak të përhapjes së varianteve të reja të koronavirusit.

Shoqata ndërkombëtare e Transportit Ajror shprehet se certifikata dixhitale e vaksinimit ndaj Covid do të jetë gati brenda pak javësh.

Kjo leje-kalimi do të jetë në formën e një aplikacioni dhe do të verifikojë nëse pasagjeri i ka bërë testet ose vaksinën e nevojshme për të hyrë në një shtet tjetër.

Kompania ajrore “Singapore Airlines” ishte kompania e parë që ndërmori këtë nisëm gjatë muajit dhjetor.

Edhe kompanitë e Etihad, Emirates, Qatar Airways, Air New Zealand janë midis kompanive që po eksperimentojnë pasaportat e covid, për udhëtimet në rajonin e Azisë dhe Paqësorit.

Home Kryefaqja
Shiko në: YouTube
Lajme të Sugjeruara

Macron: Fitorja e Magyar shënon fillimin e një epoke të re në Hungari

Presidenti francez, Emmanuel Macron vlerësoi sot fillimin e një “epoke të re” për Hungarinë dhe Evropën, gjatë pritjes në Pallatin Elysee, të kryeministrit të ri...
22:21 | 03/06/2026

Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit

Pas tre orësh, Asambleja e Përgjithshme e Kombeve të Bashkuara përfundoi votimin për të zgjedhur pesë anëtarët e rinj jo të përhershëm të Këshillit të Sigurimit për mandatin 2027-2028....
20:43 | 03/06/2026

Rreth 90 serbë dëbohen nga aeroporti i Tivatit, policia malazeze i cilëson rrezik për sigurinë

Rreth 90 shtetas të Serbisë janë dëbuar nga aeroporti i Tivatit dhe u është ndaluar hyrja në Mal të Zi, pasi konsiderohen “rrezik për sigurinë”,...
19:15 | 03/06/2026