Të rinjtë nuk e duan as Ramën, as Bashën, Sejamini: Të dyja krahët bëjnë politikë të vjetër

Sondazhi i MRB i prezantuar mbrëmjen e sotme në Euronews Albania tregoi se Shqiptarët shohin më shumë Edi Ramën se sa Lulzim Bashën si të përshtatshëm për të qenë kryeministër, por më shumë se çereku i tyre që i përkasin më së shumti grupmoshës 18-24 vjeç i shohin të papërshtatshëm të dy udhëheqësit politikë

Për gazetarin Neritan Sejamini ky mospëlqim i të rinjve ndaj dy liderëve kryesorë të politikës në vend lidhet me stilin e të bërit politikë në Shqipëri.

Sipas tij, modeli i bërjes së politikë në Shqipëri nuk është shumë i ndryshëm në të dy krahët.

“Del dikush në tribunë dhe shan kundërshtarin. Teknologjia politike tek ne ka mbetur e njëjtë.

Mendoj se Basha duhet të ishte më i pëlqyer tek kjo grupmoshë se ai pretendon të bëhet kryeministër nga 2021-2025”, tha gazetari.

Ndërkohë, sipas gazetares Edlira Gjonaj empatia për kreun e PD lidhet me mosnjohjen e tij, nisur nga fakti se 18-vjeçarët kanë qenë 2 vjeç kur Basha hyri në politike, ndërsa mungesa e pëlqimit për kryeministrin Rama lidhet me faktin se e shohin përditë në ekran.