Brazili mbyll plazhet, rritje rekord e numrit të viktimave ndërkohë që transporti publik funksionon 

Plazhet ikonë të Rio-s u mbyllën për publikun gjatë fundjavës, për herë të parë që nga ri-hapja e tyre në korrik të vitit 2020, ndërkohë që autoritetet po përpiqen që të ulin kurbën e infektimeve dhe shtrimeve në spital, ndërkohë që sistemi shëndetësor ka qenë i ngarkuar përtej kapaciteteve.

Sekretari bashkiak për shëndetësinë Daniel Soranz njoftuan për kufizimet e reja gjatë të dhënave për situatën epidemiologjike në vend, duke treguar dhe të dhënat për rritjen e numrit të hospitalizimeve.

Policia ushtarake dhe ajo bashkiake monitoruan plazhet, duke larguar këdo që nuk iu bindej rregullave.

Për disa banorë të Rios nuk është e mjaftueshme që të mbylleshin plazhet por duheshin konsideruar edhe vende të tjera ku kishte grumbullime.

“Kur shikon plazhin, njerëzit janë larg njëri-tjetrit. Por transporti publik për punëtorët që duhet të mbështesin familjet e tyre duken si një kuti sardelesh. Të gjithë afër njeri- tjetrit, dhe duke përhapur koronavirusin,” – tha Jorge Zing, agjent i pronave të patundshme.

“Ka ardhur koha që të reduktojmë qarkullimin e njerëzve në rrugë, nuk është koha për të bërë sport në plazh, nuk është koha për tu zhytur në oqean. Tani është koha që të qëndrojmë në shtëpi,” – shtoi Daniel Soranz, sekretar bashkiak për shëndetin.

Autoritetet e qytetit do të njoftojnë masa të reja të hënën, pas një mbledhje të komitetit shkencor.

Sipas Ministrisë së Shëndetësisë, Brazili arriti rekordin e 2724 viktimave gjatë 24 orëve, duke arritur në 290 mijë vdekje që nga fillimi i pandemisë.