Danimarka pezullon vaksinën “AstraZeneca”

Danimarka ka pezulluar përdorimin e vaksinës “AstraZeneca” ndaj Covid-19, si një masë parandaluese, pas raportimeve për mpiksje të gjakut në disa individë që e kanë marrë atë.

Autoritetet shëndetësore daneze u shprehën që është raportuar për një viktimë në vend, por akoma nuk mund të konkludohet që ka një lidhje midis vaksinës dhe mpiksjes së gjakut’.

Përdorimi i vaksinës do të pezullohet deri në një njoftim të dytë, thanë autoritetet shëndetësore këtë të enjte.

Drejtori i përgjithshëm i autoritetit shëndetësor danez u shpreh që në mes të këtij procesi të vaksinimit masiv, është e nevojshme që të kemi të gjitha vaksinat e mundshme, dhe të ndalosh përdorimin e njërës prej tyre nuk është një vendim i lehtë.