Turizmi në rrezik, pritet një vit i zymtë për agjencitë dhe operatorët turistikë

Edhe këtë vit operatorët turistikë do të përballen me vështirësi, pasi sipas te dhënave më të fundit rezervimet në këto dy muaj kanë rënë në mënyrë dramatike.

Pavarësisht rritjes së rezervimeve për udhëtime, agjencitë dhe operatorët turistikë përballen me një tjetër vit të vështirë e të zymtë.

Travel Data and Analytics duke publikuar të dhënat më të fundit  shpjegon se  humbjet e akumuluara deri më tani në interval të lartë dyshifror, vështirë se do të  mund kompensohen, madje edhe nëse ndihmohen nga ndonjë biznes.

Sipas një analize nga Travel Data + Analytics (TDA), shitjet e paketave turistike  për sezonin aktual të verës ishin 76% më pak krahasuar me  të njëjtën periudhë të vitit të kaluar.

Janari dhe Shkurti janë tradicionalisht muajt më të rëndësishëm të rezervimit te paketave turistike për sezonin e rëndësishëm të verës. Vitin e kaluar, pandemia e COVID-s ende nuk kishte lënë asnjë gjurmë në këto dy muaj. Për sezonin dimëror, i cili zgjat deri në fund të marsit, shitjet ranë me 92%. Shumë shtete vijojnë përpjekjet që ketë verë të shpëtojnë disi sezonin turistik duke besuar tek pasaportat COVID-19.