Tensionet në Ukrainën lindore, Rusia: Çdo vendosje e trupave të NATO-s na detyron për masa shtesë

Kremlini shprehet se çdo vendosje e trupave të NATO-s në Ukrainë do të çonte në tensione të mëtejshme pranë kufijve të Rusisë dhe do ta detyronte Moskën të merrte masa shtesë për sigurinë e saj.

NATO shprehu shqetësim për ndërtimin ushtarak rus pranë Ukrainës lindore, pasi Rusia paralajmëroi se një përshkallëzim i konfliktit në rajonin Donbass mund të “shkatërrojë” Ukrainën.

Zëdhënësi i Kremlinit, Peskov u tha gazetarëve se situata në vijën e kontaktit në Ukrainën lindore midis forcave të qeverisë ukrainase dhe forcave separatiste të mbështetura nga Rusia ishte e frikshme dhe se po ndodhnin “provokime” të shumta.

Sekretari amerikan i Mbrojtjes në një komunikim me homologun e tij rus “dënoi përshkallëzimet e fundit të aksioneve agresive dhe provokuese ruse në Ukrainën lindore”.