Bullgaria në zgjedhje, partia e Borissov në avantazh, pavarësisht akuzave për korrupsion

Qytetarët bullgarë i drejtohen qendrave të votimit këtë të diel në kuadër të zgjedhjeve parlamentare, pas disa muajsh protesta kundër qeverisë dhe në një kohë kur Bullgaria po përjeton një valë të shtuar të rasteve me coronavirus.

Kryeministri në detyrë, Boyko Borissov dhe partia e tij e qendrës së djathtë, është në avantazh në shumicën e sondazheve paraprake, pavarësisht akuzave që rëndojnë ndaj tij për korrupsion endemik.

Megjithatë, sondazhet gjithashtu sugjerojnë një rezultat të pasigurt, me disa mundësi koalicionesh për krijimin e qeverisë së re dhe parashikojnë madje edhe zgjedhje të reja në vjeshtë, në rast se ngërçi politik nuk merr zgjidhje.