BE e shqetësuar për aktivitetet ushtarake të Rusisë pranë kufirit me Ukrainën

Bashkimi Europian ka shprehur “shqetësim të  thellë” mbi lëvizjet e fundit të forcave ushtarake ruse pranë kufirit me Ukrainën.

Josep Borrell, shefi i unionit për marrëdhëniet e jashtme, shprehu mbështetjen për Kievin pas një telefonate me ministrin e Jashtëm Dmytro Kuleba.

“Ne po ndjekim me shqetësim të madh aktivitetet ushtarake rus përreth Ukrainës”, shkroi Borrell në Twitter.

Talked to Ukraine Foreign Minister @DmytroKuleba. Following with severe concern the Russian military activity surrounding Ukraine.

Unwavering EU support for🇺🇦 sovereignty & territorial integrity. Will further discuss with @DmytroKuleba and EU Foreign Ministers at next FAC.

— Josep Borrell Fontelles (@JosepBorrellF) April 4, 2021

“Mbështetje të palëkundur për sovranitetin dhe integritetin territorial të Ukrainës”, shtoi ai.

Borrell konfirmoi se këtë muaj pritet të mbahet një takim midis ministrit të Jashtëm të Ukrainës Kuleba dhe atyre të BE, ku do të marrë pjesë edhe Presidenti i Shteteve të Bashkuara, Joe Biden.

Kievi akuzon Rusinë se ka mbledhur një numër të lartë trupash ushtarakë në kufijtë veriorë dhe lindorë të vendit, si dhe në Krimenë e aneksuar nga Moska më 2014.

Kremlini nuk i ka mohuar aktivitetet e fundit ushtarake, por këmbënguli se ato nuk “cenojnë” askënd.