Arrestohet oficerja e policisë në SHBA, vrau një shtetas me ngjyrë

Një agjente policie, që qëlloi për vdekje një motorist me ngjyrë në Minesota të Shteteve të Bashkuara, do të akuzohet për vrasje.

Oficerja Kim Potter është arrestuar dhe po mbahet nën kujdes policor.

Ajo thotë se e qëlloi shtetasin Daunte Wright aksidentalisht, pasi ngatërroi pistoletën me plumba me atë paralizuese. Duke reaguar, avokati i familjes Wright deklaroi se vrasja kishte qenë e qëllimshme dhe përdorimi i forcës i paligjshëm.

Si agjentja Potter ashtu dhe shefi i policisë Tim Gannon kanë dhënë dorëheqjen nga departamenti i policisë së Brooklyn Center, por sërish vrasja ka shkaktuar netë të tëra protestash të dhunshme dhe përplasjesh me forcat e rendit.