Diskutimi për kufijtë në Ballkan, Stano: Çështjet e hapura të adresohen pa hyrë në terrene të rrezikshme

Pas publikimit të një “letre” që thuhej të ishte e përpiluar nga kryeministri i Sllovenisë dhe i ishte dorëzuar presidentit të Këshillit Evropian, Charles Michel, ka ardhur reagimi i BE.

Qëndrimi zyrtar i Bashkimit Evropian është që të gjitha çështjet e hapura në mes të vendeve do të zgjidhet bazuar në ligjet dhe parimet e BE-së pa u futur në aventura të rrezikshme.

“Duhet të punohet për pajtimin dhe bashkëpunimin rajonal, që është edhe logjika e procesit të integrimit evropian. Të gjitha çështjet e hapura midis vendeve duhet të adresohen në një proces që nuk hyn në terrene të rrezikshme dhe mbështetet në ligjet dhe parimet e BE,” – tha  zëdhënësi i BE-së, raporton DW.

Një letër e tillë ku ishin përpiluar lëvizje të kufijve në Bosnje e Hercegovinë, Kosovë e Kroaci është kundërshtuar ashpër nga Gjermania e kancelares Angela Merkel.

Ministri gjerman për Evropë ka thënë se çfarëdo rivizatimi i kufijve është rrugë e rrezikshme.

LEXONI GJITHASHTU: 

• “Kemi një marrëveshje”: BE do të reduktojë emetimet me të paktën 55% deri në 2030
• Ekspertët e BE rekomandojnë etiketa paralajmëruese për trombozën në vaksinën J&J