Misioni i tretë i Space X, katër astronautë u nisën nga stacioni i NASA

Këtë të premte Agjencia Space X nisi katër astronautë në orbitë . Ky është fluturimi i tretë në më pak se një vit për kompaninë e miliarderit Elon Musk.

Agjencia hapësinorë Space X, kreu me sukses nisjen e anijes kozmike e cila u ngrit të premten në mëngjes nga Qendra Hapësinore e NASA-s në Florida me një ekuipazh prej 4 astronautësh, përfshirë edhe një astronaut nga Agjencia Hapësinorë Evropiane

Shane Kimbrough dhe Megan McArthur nga NASA, Thomas Pesquet i Agjencisë Evropiane të Hapësirës dhe Akihiko Hoshide i Agjencisë Hapësinore Japoneze janë pjesë e ekuipazhit, për misionin që do të zgjasë afërsisht gjashtë muaj.

Kjo është hera e parë që agjencia me pronësi të miliarderit Elon Musk përdor një anije kozmike te ricikluar Crew Dragon dhe raketa Falcon 9 për një mision ekuipazhi.

Anija pritet të arrijë në stacion pas një fluturimi 23 orësh, nga ku më pas Crew-2 do të kalojë shumë kohë në studime shkencore. Stacioni hapësinor është një platformë unike shkencore, që u mundëson studiuesve të monitorojnë klimën globale të planetit tonë, ndryshimet mjedisore dhe rreziqet natyrore.