Meksikë, shembet mbikalimi i metrosë, të paktën 15 viktima e dhjetëra të plagosur

Të hënën në mbrëmje, një mbikalim i metrosë së Mexico City është shembur duke lënë pas të paktën 15 viktima dhe 70 të lënduar, raportuan autoritetet vendase.

Kryetarja e Bashkisë Claudia Sheinbaum deklaroi se ka ende persona të mbetur nën rrënoja por “nuk dihet nëse janë ende gjallë”.

#MisiónECO|📍#Tlahuac, #CDMX

Tras el accidente en la estación #Olivos de la #L12 del #MetroCDMX, se implementan los trabajos para apoyar a los afectados.

🚨Se realizan labores de rescate y atención médica.
🚨@CNPC_MX, @GobCDMX, @SGIRPC_CDMX, @SSalud_mx atienden en la zona. pic.twitter.com/3nizXSgO3g

— Coordinación Nacional de Protección Civil (@CNPC_MX) May 4, 2021

Kryetarja e Bashkisë Claudia Sheinbaum deklaroi se ka ende persona të mbetur nën rrënoja por “nuk dihet nëse janë ende gjallë”.

“Një prej shtyllave që mbajnë strukturën ka rënë”, tha Sheinbaum.

Nga disa pamje të transmetuara në mediat lokale duket një prej vagonëve dhe ekipet e shpëtimit që kërkojnë për të mbijetuar në rrënoja.

Operacionet e kërkimit janë pezulluar si pasojë e një prej vagonëve që ka mbetur i varur e që mund të shembet.

Aksidenti ndodhi në një prej pjesëve të metrosë së kryeqytetit që ka qenë prej kohësh pjesë e ankesave dhe akuzimeve për parregullsi.

Metroja e Mexico City, një prej më të mëdhave e më të ngarkuarave në botë, ka pasur të paktën dy incidente serioze që prej inaugurimit rreth pesëdhjetë vite më parë.

Në mars të vitit të shkuar, pas përplasjes midis dy trenave humbi jetën një pasagjer e 41 të tjerë u plagosën, kurse  në 2015 një prej trenave nuk ndaloi në kohë dhe u përplas me një tjetër duke lënduar 12 pasagjerë.