Delegacioni indian pozitiv me COVID-19, vetëizolohet ministri i Jashtëm i Indisë

Delagacioni indian i ftuar në takimet e G7, që po zhvillohen në Londër është vetëkarantinuar, pasi 2 anëtarë testuan pozitiv me COVID-19.

Lajmi u bë i ditur nga zëdhënësi i qeverisë britanike, i cili u shpreh se pas testimit të përditshëm që i nënshtrohen pjesëmarrësit, dy anëtarë nga delegacioni indian prej 7 vetash, rezultuan të prekur me COVID-19.

Ministri i Jashtën i Indisë, Subrahmanyam Jaishankar po qëndron në Londër për samitin e G7, megjithëse India nuk është anëtare e bllokut që përbëhet nga Kanadaja, Franca, Gjermania, Italia, Japonia, Britania e Madhe dhe SHBA-ja.

“Mbrëmjen e djeshme m’u bë e ditur për ekspozimin e mundshëm ndaj rasteve pozitive të COVID”, shkroi më herët në Twitter Subrahmanyam Jaishankar.