Apeli i G7-s: Të avancohet procesi i integrimit me Shqipërinë

Ministrat e Jashtëm të grupimit G7 dhe përfaqësuesi i Lartë i BE-së, Josep Borrell, të mbledhur në Londër shprehën mbështetjen e tyre për hapjen e negociatave të anëtarësimit me Shqipërinë dhe Maqedoninë e Veriut.

Qëndrimi i shefave të diplomacive të vendeve më të industrializuara në botë u shpreh përmes një deklarate të përbashkët, ku nxitën përpjekjet për progres të mëtejshëm dhe bashkëpunim më të mirë rajonal.

Ndër të tjera, ministrat përjashtuan kategorikisht çdo përpjekje për ndryshimin e kufijve në Ballkan.

“Çdo spekulim për ndryshim kufijsh në vija etnike nuk përbën zgjidhje të sfidave që ka përballë rajoni,” – u shprehën ministrat, të cilët vlerësuan se çdo iniciativë e tillë përbën një kërcënim ndaj sigurisë rajonale.

LEXONI GJITHASHTU:

• Anëtarësimi në BE, Heiko Maas nuk mbështet ndarjen e Shqipërisë nga RMV
• Samiti i G7 | Blinken mbërrin në Londër, pikat kryesore të bisedimeve
• Sfidat e takimit të G7, Blinken: Jemi përqendruar në veprimet e Rusisë, nuk do të kërkojmë përshkallëzim